17. De Transfiguratione DN.

la. O beata orbe toto

Veneranda trinitas,
O felix corde devoto
Adoranda unitas.

1b. Trinum in personis Deum,
Unum in substantia,
Patrem, verbum, spiritum,
Gaude, omnis anima.

2 a. Haec enim divinitatis
Summa est felicitas,
In amplexu caritatis
Quod tres unit unitas.

2 b. Amat pater, amat natus,
Amat sanctus spiritus,
Nec minor amor amatis
Nec ipsis amantibus.

3a. Quid tam dulce, tam jucundum,
Quae tanta devotio,
Quam amantis et amati
Et amoris unio.

3 b. Omnis gaude creatura,
Haec trium dilectio
Te creavit, recreavit
Dato Dei filio.

4 a. Heu ex quanta et ad quantam
Caritatem conditi
In peccatis conversamur,
Sed, ne simus proditi,

4 b. Nos amori tuo uni,
Et haec felix unio
Det amore satiari
Verbi in principio.