23.

1. Evangelizo gaudium,

Quod salvator omnium

Natus est de virgine, gaudete,

Sicut sancti testantur

Prophetae.

Emanuel vocabitur,

Nobiscum morabitur,

Animo et corde jubilemus,

Et cum angelis laeti

Cantemus.

In excelsis gloria

Sit divinitati,

Pax In terra patria

Bonae voluntatis,

Nam ab Idolatria

Sumus liberati.

Pastores magnalia

Quando audierunt,

Angelis cantantibus

Bethlehem Iverunt,

Et cum gaudio magno

Christum laudaverunt.

2. Cum rex In regno nascitur,

Stephanus renascitur,

Pro milite de coelo descendit,

Morte mortem primus hic

Rependit.

Joannes amantissimus,

Corpore purissimus,

Salutari calice potatur,

Ad Christi convivia

Portatur.

Martyres pro Domino

Etiam nolentes,

Sub Herodis gladio

Esse Innocentes,

Et pro testimonio

Christi non loquentes.

In excelsis residens,

Nate summi patris,

In gremio colludens

Tuae piae matris,

Nunc cunctos nos protege

Solvens a peccatis.