ARTICULUS III.

De tertio autem articulo dixerunt: Qui propter nos homines, et propter nostram salutem, descendit de caelis : et incarnatus est de Spiritu sancto ex Maria Virgine, et homo factus est. Et ista expressio articuli incarnationis facta est contra Manichaeum. Ille enim dixit, quod non propter homines nec propter salutem hominum descendit, sed potius descendit a Lucifero expulsus, et quod adhuc Lucifer reascensurus sit in caelum ad sedem, unde in ascensione Christi expulsus est. Fingit enim, quod praelium magnum factum sit in caelo, sicut dicitur, Apocal.XII, 7. Et quod in primo praelio expulsus est Chistus, et in secundo expulsus sit Lucifer. Et hoc praelium dicit fuisse inter duos deos, Deum scilicet lucis, et Deum tenebrarum, sive Deum bonum et Deum malum.

Hoc igitur excludentes Patres, dicunt quod nulla necessitate et nulla violentia detrusus, sed charitate hominum et amore salutis eorum descendit de caelis, non caelos relinquendo secundum divinitatem, sed in nostris quae assumpsit, visibilis in hoc mundo apparendo. Ad Ephes. IV, 10 : Qui descendit, ipse est et qui ascendit super omnes caelos, ut impleret omnia. Joan. iii, 13: Nemo ascendit in caelum, nisi qui descendit de caelo. Joan. III, 16 : Sic Deus dilexit mundum, ut Filium suum unigenitum daret.

Quia autem idem Manes dicit non esse veram carnem Christi, sed phantasma fuisse, eo quod sicut asserit, malus Deus istam carnem vitiosam fecerit, et hanc carnem non posse esse de bono Deo, ideo addiderunt: Et incarnatus est de Spiritu sancto, qui non nisi bonus Deus esse poterit. Et praepositio Nequando dicitur de Spiritu sancto, notat potestatem et operationem, et non notat materiam : quia si de materia sublanliae Spi- ritus sancti factus esset Christus, tunc sequeretur quod Spiritus sanctus esset Pater Filii secundum humanam generationem : et hoc est impium, quia Christus non habet Patrem, nisi secundum aeternam generationem, ut dicit Augustinus, quod in terris est sine patre et in caelis sine matre.

Ex Maria autem additur, ut vera caro connaturalis matri esse credatur, et non phantastica, sicut dixit Manichaeus.

Virgine autem additur propter Ebionitas, qui non Mariam virginem in partu dixerunt, et postpartum : quia dixerunt, quod tantum Christum hominem ex maternis visceribus protulit, et non Deum. Et quia homo purus de utero virginali non exit, nisi apertis claustris pudoris, ideo dixerunt Mariam in partu Christi esse devirginatam. Hi etiam dixerunt, quod Maria esset AdminBookmark , hoc est, Chri-

sti hominis mater, et non esset AdminBookmark hoc est, veri Dei mater. Ideo eadem synodus statuit, quod Virgo AdminBookmark et non AdminBookmark deinceps diceretur.

Et quia Manes dixit, quod Christus humanatus sicut habitu aliquis dicitur tunicatus, vel cappatus, vel palliatus, et non esset homo verus, eo quod non sibi naturaliter et essentialiter univisset hominis naturam, sed extrinsecus tantum, et extrinsecus habitualiter assumpsisset sibi hominis naturam. Et ideo ad excludendum hunc errorem, addidit sancta synodus: Et homo factus est: factum enim erat. Joan. I, 14: Verbum caro factum est, etc. Et, ad Galat.IV, 4 et 5: Misit Deus Filium suum, factum ex muliere, factum sub lege, ut omnes qui sub lege erant redimeret, ut adoptionem filiorum reciperemus.