31. In Inventione s. Crucis.

la. Veneremur hodie
Crucem regis gloriae
Per laudis praeconium,

1b. Per quam salus oritur,
Cum mors nostra moritur
Et hostis dominium.

2 a. Inter spinas lilium,
Cerne Dei filium

Cruentatum sanguine ;

2b. Nam in ligno ponitur,
Sacer sanguis funditur,
Quo lavamur flumine.

3 a. In praesenti saeculo
Cum crucis signaculo
Adiuva nos, Domine,

3b. Ut vivamus liberi
A fermento veteri
Et a necis fulmine.

4 a. Ave crux vivifica,
Te virtus dominica
Dotavit sublimiter,

4 b. Dum te grato tempore
Christus suo corpore
Portavit humiliter.

5 a. Fili patris unice,
Arcum crucis inspice
Memor tui foederis,

5 b. Ut ejus inventio
Salvet a supplicio
Infernalis carceris.