37.

1. Nunc angelorum gloria
Hominibus
Eesplenduit In mundo.

Quam celebris victoria

Recolitur

Et corde laetabundo!

Novi partus gaudium
Virgo mater produxit,
Et sol verus
In tenebris Illuxit.

2. Permagnum nomen Domini
Emanuel,
Quod est nobiscum Deus.

Culpae datur homini

Remissio,

Laetetur homo reus!

Redemtori hominum
Redemti jubilemus,
Haec est dies
Et annus jubilaeus.

3. Pastores palam dicite,
In Bethlehem
Quem genuit Maria?

Quem virtutes Uranicae
Concinebant
Coelesti harmonia?

Lux de luce claruit
Pace jam reformata,
Et genitrix
Permansit Illibata.

4. Haec ergo cum gaudio
Festa celebremus
Et Ipsam cum parvulo
Mariam salutemus.