MELEVITANA 41

huiusmodi onera ad rationem eleemosynae manualis, ut su- pra, moderari possit ; secus vero si fundatores orationem seu dispositiones inceperint ab impositione oneris et subinde fun- dum assignaverint, tunc enim onus dicitur demonstrative con- ceptum ac fundatorum haeredes per Amplitudinem tuam co- gendi sunt ad perpetuam dicti oneris manutentionem et ad sup- plendam summam deficientem tam pro praeterito, quam pro fu- turo ». Eodem modo S. C. O. quoad legata taxative et demon- strative concepta iudicavit in Mediolan. 9 Septembr. 1702; 9 Apr. 1718; 1 Apr. 1719; Venet. 4 Febr. 1719.

Ex his sequitur, S. C. Congregationem in Legatis taxa- tive conceptis ita interpretari fundatoris mentem, ut ex red- ditu certi fundi certa earumdem pars tribuatur pro cele- bratione missarum; unde, auctis eleemosynis missarum, nu- merus earumdem decrescat oportet. Proinde potest argui a fortiori, a concessione facta pro reducendis legatis demon- strative conceptis ad concessionem reducendi legata, taxative concepta, ita ut quando indiscriminatim possint reduci utrius- que generis legata, in exequendo rescripto est maior favor in reducendis legatis taxative quam demonstrative conceptis.

Aliunde haec interpretatio in Legatis taxative institutis est admodum conformis etiam rationibus oeconomicis haere- dum vel legatariorum. Nam idem motivum quo augetur ele- emosyna, viget etiam pro reliquis reditibus qui supersunt fundi gravati possessoribus. Hi reditus enim numero plures tamen valore non augent, si ratio habeatur maioris pretii rerum acquirendarum. Unde, debita servata proportione, non mutatur primitiva fundatoris voluntas, quamvis missarum numerus decrescat, et fundi reditus augescant.

Praeterea Ecclesia providet ne missarum onere reducto, fructus spiritualis pii fundatoris deficiat. Supplet enim de in- finito meritorum Christi et Sanctorum omnium thesauro quod deest ex parte minoris numeri celebratarum Missarum. Hoc perficere expresse intendit Sacra Cong. Rev. Fabricae, uti refert Card. De Luca in Mel. Cur. Rom. dis. XX, ubi ad- vertit, Rev. Fabricae congregationem commutare vel redu-