39.

1. Nunc festum celebremus

Laudesque decantemus

Corde, voce, ore

Virginis Catharinae,

Martyris et reginae

Psallentium more.

Haec per virtutem oris

Vicit Maxentium

Doctosque oratores

Ut rosa veri floris

Docet martyrium.

2. Unica Costi nata,

Scientiis ornata

Pulchraque facie,

Per artes liberales,

Ut tradunt hic annales,

Vincit In acie.

Reginam convertisti

Atque Porphyrium,

Nam hostem contrivisti,

Pro sanguine fudisti

Tu lactis rivulum.

3. Rotae dirae parantur

Minaeque intentantur

Tam dulci virgini,

Sed virgo dum oravit,

Rotas In plebe stravit

Virtus Adonai.

Haec virgo flagellatur

Diu et fortiter,

Sed et Incarceratur

Enseque decollatur,

Quiescit dulciter.

4. Sacrum corpus transvexit

In montem Sina vexit

Phalanx angelica,

Traditur sepulturae

Virginis corpus purae

Cum laude coelica.

Ex cujus tumba manat

Eivulus olei,

Cunctorum morbos sanat,

Languores quosque planat

Per gratiam Dei.

O felix Catharina,

Exora Dominum,

Tu virginum regina,

Ut praemium det Trina

Regnique solium.