42.

1. O regina, lux divina,
Pro me rogita,

O formosa, plus quam rosa
Sensum visita.

Protege, benigna,
Omni laudi digna,
Tuum filium.

2. Ave virgo, me conserva
A vi daemonum,

Ave dives arca Christi,
Tu princeps florum.

O vas deitatis,
Tu fons pietatis,
Manans largiter.

3. O suavis, nulli gravis,
Praebe transitum,

O decora plus aurora,
Post exilium,

Ut fruamur laude,
Det nobis hoc per te
Dei filius.

4. Ave virgo, altissimi.
Genitrix Dei,

Ave nutrix magni ducis,
Solatrix rei.

Ne abs te desperet,
Qui tibi adhaeret
Toto conamine.

5. Ave vitae via tuta,
Duc ad patriam.

Ave virgo coeli scala,
Dona veniam.

O dux animarum,
Tu lux tenebrarum,
Lucens miseris.

6. O dilecta, praeelecta,
Mundi domina,

O beata, Deo grata,
Coeli regina.

Miserere mei,
Virgo mater Dei
In exilio.