44.

1. Prima declinatio,
Casuum regulatio
Misit genitivum,

In ae analepsim
Quos cepit per ethesim
Stygis Infectivum,

Hos bonitatis gerula
Attraxit jam homagio,
Quos nepa nugigerula
Exclusit obstagio.

2. Scribere clericalis
Cunctisque christicolis
Nobis Instat cura;

Magister, per quam regulam
Deus servi formulam
Sumpsit contra jura?

Non solvo philosophice
Neque logicaliter,
Sed scripturae mysticae
Credamus simpliciter.

3. In masculino genere
Fortis vult discernere,
Legio curialis;

Heu est Interjectio,
Murmurum connexio
Et clamor farialis.

Ob hoc jube, domine,
Fieri silentium,
Ut In tuo nomine

Laetetur cor querentium.

4. Musa, dic veridice,
Quae sit causa mysticae
Hujus novitatis?

Scamnum luna pedibus,
Gignit virgo regibus
Solem claritatis.

Deus misit filium
Mundi In exilium,
Ut hunc virgo pariat
Stupente natura.

Ob hoc omnes parvuli,
Senes et juvenculi,
Viri nec non vetuli
Odas reboemus.