47.

1. Quid admiramini,

Quid opinamini,

Filiae Jerusalem,

De partu novitatis.

Licet mirabile,

Tamen possibile,

Virginem puerperam

Fuisse gravidatam.

Omnia, quae voluit,

Ex nihilo creavit,

Omnia, quae docuit

Naturam, naturavit.

Natus Ipse voluit,

Naturam, claudicare.

2. Miremur amplius,

Quod Illo dignius,

Qui de terra coelum fecit,

Mundum de Immundo.

Tu coelis altior,

Tu stellis clarior,

Me dignare te laudare

Carmine jocundo.

Tu omnis boni pretium,

Tu balsamus odoris,

Tu lilium convallium,

Tu formula pudoris,

Tu coeli sanctuarium,

Tu gaudium moeroris.

3. Tu merces annua,

Tu vitae janua,

Tu via viris Invia,

Tu salus In prophetis.

Tu caecis oculus,

Tu claudis baculus,

Tu sitientis rivulus,

Tu quies Inquietis,

Tu clericorum jubilus,

Tu virtus viduarum,

Tu mulierum titulus,

Tu gemma puellarum,

Te tui orant famuli,

Da fontem lacrymarum.