48. In Dedicatione ecclesiae.

la. Adest dies jubilaeus,

In quo summus pater Deus
Suae donum gratiae

1b. Mundo dedit salutare,
Ergo, Sion, gratulare
De dono laetitiae.

2 a. Gaude eoelum, terra plaude,
Jucundare digna laude
De Christi clementia,

2 b. De supernis innovata,
Nova prole fecundata
Nunc mater ecclesia.

3 a. Haec est illa civitas
Jerusalem beata,
Johannis praesagio
Jam. praefigurata.

3 b. Haec est in diluvio
Summi regis arcba,
Quam in mundi fluvio
Novus patriarcha

4 a. Suo cruore roseo
Rite fecundavit,
Qui te sacro latere
Jugiter manavit.

4 b. Nos a peccatis omnibus
Vere liberavit
Et coelesti patriae
Nos aequiparavit.

5 a. Ergo Jesu, rex coelorum,
Tuam catervam hominum
Rege sine termino,

5 b. Ut migrantes de hoc mundo
Gloriemur de jucundo
Angelorum domino.