48.

1. Rex gloriae,
Christe pie,
Dei patris genite,
Fili Mariae,

Da opem miseris,
Quos diligis,
Ut possint vivere
Absque carie.

Lumen coeli claram
Dona ecclesiae,
Quam redemisti
Tuo sanguine,
Ut esset candida
Stola gratiae
Sempiternae.

2. O regina,
Coeli domina,
Virgo Dei filia.
Et puerpera,

Da nobis petentibus
Tuis precibus,
Ut simus cum civibus
In coelestibus,

Veram charitatem
Nos hic In via
Per te habentes,
Maria pia,
Tandem manentes
In patria
In Dei gloria.

3. Et vos, sancti
Apostoli,

Archangeli, Angeli
Cunctique sancti,

Cibum verum coelicum,
Corpus dominicum,
Sanguinem quoque verum,
Potum angelicum,

Quibus vos mystice
Pascit Deus In coelis,
Nobis praestate
Frui In terris,
Ut refecti In via
Ad vos conscendamus
In gaudia.