EX S. C. RITUUM 51

quam maxime in votis haberet, a S. R. C. assignandam, eius- demque ductu et auspiciis muniendam, peculiarem virorum Gregoriani cantus laude praestantium Commissionem in Urbe instituit; eiusque examini editionem subiecit, qua denuo in lu- cem evulgaretur Graduale Romanum, typis olim Mediceis im- pressum et Apostolicis Pauli V Litteris approbatum. Hanc dein editionem saluberrimo opere absolutam, parique studio et op- portunis inductis emendationibus, ad normas a Commissione praescriptas, revisam, sibi valde probari haud semel ostendit, atque authenticam declarare non dubitavit suis Brevibus Litteris, die 30 Maii anno 1873 datis, quarum illa est sententia: Hanc ipsam dicti Gradualis Romani editionem Reverendissimis loco- rum Ordinariis, iisque omnibus, quibus Musices sacrae cura est, magnopere commendamus; eo vel magis, quod sit Nobis ma- xime in votis, ut cum in ceteris, quae ad Sacram Liturgiam pertinent, tum etiam in cantu, una, cunctis in locis ac Dioece- sibus, eademque ratio servetur, qua Romana utitur Ecclesia. - Antecessoris Sui approbationem decreto confirmare atque extendere e re esse duxit Sanctissimus Dominus Noster Leo Papa XI I I , Litteris enim Apostolicis, die 15 Novembris anno 1878, primae Antiphonarii partis, quae Horas diurnas complectitur, novam editionem, ab iisdem viris per S. R. C. deputatis, egregie sane, ut decebat musicos eruditos, atque intelligenter revisam, peculiari commendatione est prosequutus, his sapienter ad Epi- scopos omnesque Musicae Sacrae cultores verbis usus: Itaque memoratam editionem a viris ecclesiastici cantus apprime pe- ritis, ad id a SS. Rituum Congregatione deputatis, revisam pro- bamus atque authenticam declaramus, Reverendissimis locorum Ordinariis ceterisque, quibus Musices Sacrae cura est, vehe- menter commendamus, id potissimum spectantes, ut sie cunctis in locis ac Dioecesibus, eum in ceteris, quae ad Sacram Li- turgiam pertinent, tum etiam in cantu, una eademque ratio servetur, qua Romana utitur Ecclesia.

Verum, quemadmodum post Pontificium Pii IX Breve de Graduali, ad ipsam editionis approbationem in dubium vocan- dam, controversiae pluries subortae et obstacula sunt permota, ob quae S. R. C, die 14 Aprilis anno 1877, sui muneris esse per- sensit editionem authenticam asserere, suoque suffragio penitus -confirmare; haud aliter, post Apostolicas etiam Leonis X I I I Lit- teras, quin finem contentionibus facerent, sibi adhuc integrum