49.

1. Salve Maria,
Virginum regina,
Dia
Coeli hierarchia,

Naufragantum via,
Rivus salutaris.

O salutaris

Miserorum portus,

Ortus

Et conclusus hortus,

Ex te sol exortus,

Virgo deum paris.

Sit novus rex

Nova lex,

Per quam faex

Veteris peccati,

Ut In aula creatoris

Oris

Jugiter honoris

Angelorum choris

Regnemus beati.

2. Gaude, Maria,
Felix creatura,
Cura

Vulnerum praedura.
Typus et figura
Vatum praesignavit.

Tu coeli, virgo,

Bajulans secretum

Fretum,

Coelitus repletum,

A qua stat deletum,

Quod Eva damnavit.

Tu coeli ros,

Campi flos,

Audi nos,

Mater salvatoris,

Sidus, decus firmamenti,

Genti

Succurre cadenti

Et fruges egenti

Decori pudoris.

3. Tu spes reorum,
Cum sis advocata

Grata,

Dilue peccata,
Ut sic moderata
Pro nobis loquaris.

Tu angelorum

Princeps et patrona,

Dona,

Ut loquaris bona

Pro regni corona

Ac laude fruaris.

Dignare me,
Virgo, te,
Christum prae
Omnibus amare ;
Laude serviamus ei
Rei,

Virgo, mater Dei,
Locum requiei
Quod velit praestare.