50.

1. Salve regina gloriae,

Emundatrix scoriae,

Imperatrix coelica,

Blande vox angelica

Te piam salutavit.

Ave plena gratia,

Inquit cum laetitia

Archangelus Gabriel,

Tunc Deus Emanuel

Cunctorum mendas lavit.

Concepisti Dominum,

Salvatorem hominum,

Virgo permansisti,

Valde pulchrum lilium,

Pro salute filium

Mundo contulisti.

2. Gyrum coeli praeteris,

Electa prae ceteris,

Cherubim et Seraphim,

Invictus [te] Benjamin

Honoris vas elegit.

Te solaris circulus

Vestit, lunae globalus

Pedibus subjicitur,

In te dum conficitur,

Qui regna cuncta regit.

Vis carnis et deitas

Processit vera trinitas

Eburneis a thronis,

Moerentium solatium,

Summi regis palatium,

Thronus Salomonis.

3. Tu vena scaturiens,

Vitam In te sitiens

Humeetetur roribus

Cunctis In odoribus,

Vitis dulcorosa.

Sporta manens aurea,

Virginalis laurea,

Finis et exordium.

Fer solamen cordium,

Sine spina rosa.

Corpore castissima,

Genitrix sanctissima,

Flagrans maris stella,

Tu gemma virginea,

Tu botrus et vinea,

Puritatis cella.

4. O Maria, florum flos,

Supplices commenda nos

Nantes In exilio

Amabundo filio,

Mater et ancilla.

Junge tabernaculo

Regnorum pinnaculo,

Angelorum choreis,

Ne damnemur cum reis

Gehenae scintilla.

Pietatis tu mirae,

Cum dies venit irae,

Non sis odiosa ;

Extremo In examine

Adsis pio juvamine,

Mater gratiosa.