54 EX S. C. RITUUM

Die 13 Februarii 1893.

Nonnulla dubia super usu linguae palaeoslavicae in s ac r a liturgia, Sacrae Rituum Congregationi pro opportuna declara- tione nuper exhibita sunt. Quum vero Sac ra eadem Congregatio circa istud sane grave negocium iampridem suum studium im- penderit, ut quaedam normae Rmis locorum Ordinariis hac in re traderentur, tandem in Ordinario Coetu die 13 Februari 1892. coadunato, post maturum examen attentisque praescriptionibus S. Sedis ac potissimum Apostolica Constitutione ˜ pastorali munere Summi Pontificis Benedicti X I V , diei 26 Augusti 1754, insequentes resolutiones elicere censuit, nimirum :

I. In Functionibus liturgicis lingua slavica, ubi legitime in usu est, debet esse antiqua slavica, non moderna sive vul- garis .

II. Non licet Missam legere vel cantare utendo partim lin^ gua latina, partim slavica ; sed permitti potest, ubi lingua sla- vica invaluit, ut cantatis latino sermone Epistola et Evangelio, utrumque canatur etiam lingua palaeoslavica.

III. Sacerdotes, qui ius habent Missas celebrandi et horas persolvendi lingua slavica, debent non solum uti lingua slavica liturgica, sed etiam si addicti sunt Ecclesiae, ubi lingua latina adhibetur, Missam solemnem latine celebrare et horas latino sermone cantare. Idem dicatur de Sacerdotibus, qui latine Mis- sam celebrantes, et horas persolventes, ministrant Ecclesiae ubi slavica lingua legitime introducta est.

Sancti Iacobi de Chile. RESCRIPTUM quoad benedictionem dandam facturo sacram concionem.

Die 13 Iulii 1894.

R m u s Dnus Marianus Casanova Archiepiscopus Sancti Ia- cobi de Chile a Sacra Rituum Congregatione sequentis dubii solutionem humillime expetivit, nimirum:

Sub die 1 Iulii 1874 Sacra Rituum Congregatio declaravit servari posse consuetudinem in Archidioecesi Sancti Iacobi de Chile vigentem, ut a celebrante presbytero saeculari vel regu- lari, benedictionem petat ille qui concionem facturus est inter

RESOLUTIONES S. Rituum Congregationis circa usum linguae Slavicae.