51.

1. Ad honorem et decorem

Matris Dei, sanctae spei,

Consurgamus et psallamus

Laudes ei.

2. Qui memores et vigiles

Sic assistunt nec desistunt,

Parant viam per Mariam

Ad patriam.

3. O unicam, quam coelicam

Sic contexit et revexit,

Ut sit sancta In conceptu

Et exitu.

4. Post In templum praesentati

In conspectu regis nata,

Fis reorum advocata,

Virgo grata.

5. Gaude primum salutata,

Ab angelo es affata,

Ut sis mater summi Dei,

Placens ei.

6. Dum gravari te praesentis,

Mox montana sic ascendis,

Elisabeth salutando,

Obsequendo.

7. Te subjici voluisti,

Labe carens mater Christi,

Purificans exemplum dans

Formam justi.

8. Spargis nivem miracula,

Ut sit memor plebecula

Tuae laudis, quam exaudis,

Mater pia.

9. Consummata vitae via,

Assumpta es, o Maria,

Ad stellata palatia

Aeviterna.

10. Memor esto In hoc festo,

Qui te laudant et honorant,

Ut sic vadant et non cadant

In saecula.