52.

1. Ad terrorem omnium

Surgam locuturus,
Meus sermo percutit

Velut ensis durus,
Nihil est quod timeam,

Valde sum securus,
Omnis clerus audiat,

Simplex et maturus.

2. Puniendi clerici

Sunt et cardinales,
Abbates, propositi,

Nigrae moniales,
Sacerdotes aemuli,

Clerici venales,
Comparantes jugiter

Opes temporales.

3. Quid est avaritia,

Nisi vilis cultus,
Vanitatum vanitas,

Cordium tumultus,
Pereunt divitiae,

Perit homo stultus,
Quando dives moritur,

Statim fit sepultus.

4. In sepulchro tegitur

Vili tegumento,
Et postea punitur

Misero tormento,
In tormento quatitur

Ut arundo vento,
Redimi non praevalet

Auro nec argento.

5. Cogitate, clerici,

Qui vel quales estis,
Numquid de judicio

Dicere potestis?
Legite psalmigraphum

Et Invenietis,
Verum vobis nuntio,

Quod percipietis,

6. Judicabit judices

Judex generalis,
Ibi nulli proderit

Dignitas papalis,
Sed foedorem sentiet

Poenae gehennalis,
Sive sit episcopus,

Sive cardinalis.