56 EX S. C. RITUUM

RHOTOMAGEN. Decretum canonizationis Beati ioannis Baptistae de La Salle funda- toris Congregationis fratrum scholarum christianarum.

Quum Sanctissimus Dominus Noster Leo Papa XI I I . iam per Decretum diei 27 Augusti 1893 benigne induxisset, ut in Ordi- nariis Sacrae Rituum Congregationis Comitiis absque interventu et voto Consultorum agi posset de validitate processuum Apo- stolica Auctoritate constructorum super assertis miraculis a Deo per intercessionem praedicti Beati Ioannis Baptistae de la Salle patratis; ideo ad instantiam Fr . Robustiani Procuratoris Ge- neralis Congregationis Fratrum Scholarum Christianarum atque huiusce causae Postulatoris, Emus et R m u s Dnus Lucidus Maria Parocchi Causae ipsius Ponens in speciali Ordinario eiusdem Sacrae Congregationis Coetu iuxta peculiares Sanctitatis Suae dispositiones die 20 Novembris 1878 editas constituto, subsignata die ad Vaticanum coadunato, sequens Dubium proposuit, nimi- rum : An constet de validitate Processuum Apostolica Auctori- tate constructorum in Dioecesibus Ruthenemi, Apamiensi et Marianopolitana super Miraculis, quae supervenisse dicuntur post indultam eidem Beato venerationem ; Testes sint rite ac recte examinati, et iura producta legitime compulsata, in casu et ad effectum de quo agitur ? Sacra porro eadem Congregatio, omnibus maturo examine perpensis, post auditum voce et scri- pto R. P. D. Augustinum Caprara, S. Fidei Promotorem, rescri- bere rata est: Affirmative seu Constare et ad mentem. Die 10 Aprilis 1894.

Quibus ab eodem S. Fidei Promotore Sanctissimo Domino Nostro Leoni Papae XI I I . relatis, Sanctitas Sua sententiam Sacrae ipsius Congregationis ratam habuit et confirmavit die 16 Iulii eodem anno.

C. CARD. ALOISI -MASELLA, S. R. C. Praefectus.

L. * S. ALOISIUS T R I P E P I , S. B. C. Secretarius.