55.

1. Ave hierarchia
Coelestis et pia,
Dei monarchia,
Respice nos dia,
Ut erigamur
Errantes In via.

2. Maria beata,
Doce nos mandata
Nostrae legis grata,
Fac servare rata,
Virgo nobilis
Et Intemerata.

3. Gratia divina
De superna Sina,
Virginum regina,
Veniam propina,

Tu celerius
Aurem huc Inclina.

4. Plena, dulcorosa,
Dona fer annosa,
Nostrae legis glosa,
Ne sis odiosa

Te petentibus,
Mater gratiosa.

5. Dominus plasmavit
Adam, qui peccavit,
Quod malum piavit,
Quando te vocavit

Et In utero
Beatificavit.

6. Tecum nos redemit,
Mundum, quem exemit,
Zabulon qui fregit
Et In mundo degit,

Ut nos aleret.
Postea redemit.

7. Benedicta sola
De superna schola,
Deitatis stola
Nos a faece cola,
Nostri criminis
Purgatrix et mola.

8. Tu pia vocaris,
Vera lux solaris,
Et In fluctu maris
Te consocians,

Mater omnium,
Et sanctificaris.

9. Inter mulieres
Tu sola adhaeres
Deo velut haeres,
Ut manu teneres,

Primogenita,
Quibus nos Impleres.

10. Benedictus digne
Pneumatis In Igne
Verbum per Insigne,
Quod tibi benigne
Missus Gabriel
Nuntiavit digne.

11. Ventris tui fructus
Coelitus eductus,
Per patrem Instructus
Et In mundum ductus,

Carnem sumere,
Postea reductus.

12. Tuum per juvamen
Pater, natus, flamen
Det nobis solamen,
Judicis examen

Ne nos terreat
Sed salvet nos. Amen.