60 EX SECRETARIA BREVIUM

agendis reddimus, ac festa pro singulis iis dioecesibus huc usque in eamdem diem translata, ut suis quaeque locis restituantur, edi- cimus. Praeterea, de Apostolicae Nostrae potestatis plenitudine, praesentium item vi, feriam quartam penultimae anni ecclesia- stici hebdomadae in diem festum pro supradictis dioecesibus evehimus, adiecta Christifidelibus tum sacro adstandi, tum a servilibus operibus abstinendi obligatione. Tandem praecipimus ut hac feria quarta penultimae anni ecclesiastici hebdomadae solemnes eaedem preces instituantur, quae huc usque quarta feria hebdomadae post Pascha tertiae fieri solebant, necnon ut pro singulis praefatis dioecesibus festum Praesentationis Beatae Mariae Virginis Immaculatae e loco suo, nempe a vigesima prima novembris mensis die in ipsam feriam quartam penul- timae anni ecclesiastici hebdomadae deinceps similiter Aposto- lica Nostra auctoritate transferatur. Non obstantibus Nostra et Cancellariae Apostolicae regula de iure quaesito non tollendo, aliisque Constitutionibus et ordinationibus Apostolicis ceterisque contrariis quibuscumque. Tuae autem, Venerabilis Frater, curae committimus, ut aliis praedictis sacrorum Antistitibus ceterisque, ad quos pertinet, hanc Nostram voluntatem signifiées, Tibique et gregi Tibi concredito Apostolicam benedictionem peramanter impertimur.

Datum Romae apud Sanctum Petrum sub Annulo Pisca- toris, die 9 decembris 1892, Pontificatus Nostri anno decimo quinto.

SERAPHINUS CARD. VANNUTELLI.

Veneràbili Fratri Philippo Archiepiscopo Coloniensi.

EX AEDIBUS VICARIATUS

Responsa quoad erectionem associationum a s. Familia (1) .

Reverendissime Domine, Eminentissimus Cardinalis Parocchi, Archiconfraternitatis

S. Familiae Praeses, per me infrascriptum propositis dubiis re- spondet:

(1) Recole Vol. X X V , pag. 8 seqq. et 567.