58.

1. Candens ebur castitatis
Sublimatur filio,
Aurum fulvum charitatis
Maritatur lilio.

2. Elevata super choros

Angelorum, domina,
Cantus audis praedulcoros
Et coelorum famina.

3. Tu saporans majorana,
Tu virens basilicon,
Gedeonis madens lana,
Commune catholicon.

4. Rosa florens absque spina,
Naturae praejudicans,
Deum paris tu divina
Puella fructificans.

5. Spica nardi speciosa,

Praecellens aromata,
Tu cedrus deliciosa,

Mundo praebens dogmata.

6. Super choros exaltatam
Te collaudant singuli,
Pro se cernant advocatam
Ante regem saeculi.