APPENDIX I. 65

Litt. encycl. S. C. S. Officii 16 Septembr. 1864 (ad Episcopos Angliae). De iis qui

nomen dederunt societati ad procurandam christianitatis unitatem institutae.

Apostolicae Sedi nuntiatum es t , catholicos nonnullos et ecclesia-

sticos quoque viros societati ad procurandam, ut aiunt, christianitatis

unitatem Londini anno 1857 erectae nomen dedisse , et iam plures

evulgatos esse ephemeridum articulos, qui catholicorum huic societati

prudentium nomine inscribuntur, vel ab ecclesiasticis viris eandem

societatem commendantibus exarati perhibentur. Et sane quaenam sit

huius societatis indoles vel quo ea spectet , nedum ex articulis ephe-

meridis cui titulus The union review, sed ex ipso folio quo socii invi-

tantur et adscribuntur facile intelligitur. A protestantibus quippe effor-

mata et directa, eo excitata est spiritu, quem expresse profitetur, tres

videlicet christianas communiones romano-catholicam, graeco-schisma-

ticam et anglicanam, quamvis invicem separatas ac divisas, aequo tamen

iure catholicum nomen sibi vindicare. Aditus igitur in illam patet

omnibus ubique locorum degentibus tum catholicis, tum graeco-schis-

maticis, tum anglicanis, ea tamen lege ut nemini liceat de variis doctri-

nae capitibus in quibus dissentiunt quaestionem movere, et singulis fas

sit propriae religiosae confessionis placita tranquillo animo sectari. Sociis

vero omnibus preces ipsa recitandas, et sacerdotibus sacrificia celebranda

indicit iuxta suam intentionem ; ut nempe tres memoratae christianae

communiones, utpote quae, prout supponitur, Ecclesiam catholicam

omnes simul iam constituunt, ad unum corpus efformandum tandem

aliquando coeant.

Suprema S. O. Congregatio, ad cuius examen hoc negotium de

more delatum est, re mature perpensa, necessarium iudicavit sedulam

ponendam esse operam, ut edoceantur fideles ne haereticorum ductu

hanc cum iisdem haereticis et schismaticis societatem ineant. Non du-

bitant profecto Emi Patres Cardinales praepositi Sacrae Inquisitioni, quin

istius regionis Episcopi pro ea , qua eminent charitate et doctrina,

omnem iam adhibeant diligentiam ad vitia demonstranda, quibus ista

societas scatet , et ad propulsanda quae secum affert pericula: nihilo-

minus muneri suo deesse viderentur, si pastoralem eorumdem Episco-

porum zelum in re adeo gravi vehementius non inflammarent: eo enim

periculosior est haec novitas, quo ad speciem pia , et de christianae

societatis unitate admodum sollicita videtur.

Fundamentum cui ipsa innititur huiusmodi est, quod divinam E c -

clesiae constitutionem susque deque vertit. Tota enim in eo est ut

supponat veram Iesu Christi Ecclesiam constare partim ex Romana E c -

Acta, Tom. XXVII. fase. C C C XIV. 5