64.

1. Christus aeternalia
Mundo parans gaudia,
Mortis pro memoria
Suae dedit optima
Coenae bellaria.

2. Solus In edulium
Se suis exhibuit,
Quod amplius debuit?
Panis vini specie

Se Ipsum praebuit.

3. Stolida caecutiens
Esset Inquisitio,
Quae rerum mutatio ;
Fides vera suppleat,
Quod nescit ratio.

4. Musset nec definiat
Scrutator mysteria,
Opprimet hunc gloria,
Montem si tetigerit,
Peribit bestia.

5. Sacramenti specie
Latent res eximiae,
Corporis et animae
Digne se sumentibus
Verae deliciae.

6. Cernat fides aliud,
Sensus dum pellicitur,
Ingens donum sumitur,
Corpus Christi editur,
Sanguisque bibitur.

7. Deus amoris Christus est,
O mira dignatio !
Nulla major natio,
Quam cui datur coelitus
Tanta refectio.

8. Donans eja veniam
Aerumnosos respice,
Orphanos non abjice,
Christe, tuo corpore
Totos et calice.