71.

1. Cuncti nunc assurgentes

Verbigenam collaudantes,

Corde voce jam laetemur,

Nympham Christi deprecemur,

Sonorose veneremur.

2. Rivus nam emanavit,

A quo quondam deviavit

Primus parens non advertens,

Diabolo consentiens

Evam suam per conjugem.

3. Jam hic rivus nos purgavit,

Christi sanguine mundavit

Suam per humanitatem,

Sanctam quoque deitatem,

Vitae per poenalitatem.

4. Salvator jam Illuxit,

Mundi principem destruxit,

Pastoribus dans gaudium,

Declinans In praesepium,

Mundi devdncens stimulum.

5. Omnes ei plaudentes,

Patrem Deum venerantes,

Qui filium clarificavit

Huncque condonavit,

Ut absolvat facinora.

6. Salutemus hunc natum,

In altari nunc tractatum

Immolatum per ministrum,

Generis levitici

Quod non credunt schismatici.

7. Tota gens clericorum

Virginis collaudat thorum,

Venustate praedecorum,

Nam virginale sigillum

Nullum habet scrupulum.

8. O mira humanitas,

Quod virginalis castitas

Semper illaesa extitit,

Ex qua Deus prodiit

Et terrena Instituit.

9. Sacra haec mysteria

Nos perducant ad gaudia,

Ubi pax et gloria,

Ubi clericorum coetus

Conregnet cum Deo laetus.

10. Mons hic manet illaesus,

De quo Christus lapis caesus,

Nobis est condonatus,

Pro nobis Immolatus

Agnus vere pacificus.

11. Virgo Igitur clara,

Hic qui In crucis ara

Extensus ligno aruit

Et latroni profuit,

Per te nobis sit placatus.