72.

1. Deus omnipotens

A morte resurgens,

Laudemus hunc hodie

Carmine laetitiae.

2. Triduo humatus,

Pedes, manus, latus

Dedit perforare,

Volens nos salvare.

3. Christe, surrexisti,

Exemplum dedisti,

Ut nos resurgamus

Et tecum vivamus.

4. Nazarene Jesu,

Nos paschali esu

Digneris reficere,

Ad coelos perducere.

5. Maria praeclara,

Coeli rosa clara,

Ora pro nobis Deum,

Tuum carum filium.

6. Chori angelorum,

Agmina polorum

Canunt Jesum surgere,

In aeternum vivere.

7. Gentem, o rex pie,

Audi Bohemiae,

Da per bonitatem

Fidei unitatem.

8. Jesu Christe pie,

Restaurator die,

Nos pusillum gregem

Doce tuam legem.

9. Laus patri creanti,

Nato restauranti,

Amborum spiranti

Per saecla regnanti.