77. De beata Maria V.

la. Ave Dei genitrix,
coelestium,
terrestrium,
infernorum domina.

1b. Tu suavis universis,
fructifera,
suavitatem
dans odoris virgula.

2 a. Ut fructus tui ventris
Crescat in nobis, in
misericordia
uberi.

2b. Participationis
ejus in idipsum
fac nos participes
fieri.

3 a. O quam divinitatis
obumbrat virtus,
spiritu
principali repleta,

3b. Ejusdem spiraminis
sub umbra tu nos
protegas
in pace perpetua.

4 a. Tu plena salutaris
gratiae,

quam inhabitat
plenitudo deitatis.

4b. Medicinam da mentis
et carnis,
ut inhabitet
virtus spiritus in nobis.

5 a. Repleatur in bonis
desiderium
te colentium
in laetitia

5 b. Ad gloriam nominis
tui filii,
cui laus, honor
sit per saecula.