80 SANCTI GALLI (in Helvetia)

In his conditionibus sponsi per quatuor hebdomadas vitam in Antonii aedibus duxerunt; eodem cubiculo quater tantum aut quinquies, eodem lecto vero, teste viro, nunquam, fatente uxore, semel usi sunt quin tamen amore, benevolentia mu- tuoque studio eorum animi unquam calèrent. Narrant imo et iuramento affirmant, se matrimonialibus iuribus numquam usos fuisse : et addit mulier, id sibi esse imputandum, quae ut famae suae consuleret, rumor enim ante nuptiarum cele- brationem percrebuerat, Dorotheam alterius opera uterum ge- rere, idque Antonius resciverat; firmo animi consilio a copula abstinendum ad tempus, viro, ipsa asserit, assentiente, pro- posuit, decrevit idque constanter servavit. Vir vero, ait, nihil de ista mala fama et pacto scivisse, secus ne Dorotheam quidem duxisset.

Transactis circiter tribus mensibus, per quos saepe saepius maritus extra pagum, uxor apud parentes degebat, Dorothea obiurgationes Antonii in sorores aegre ferens, viro valedixit, abiit nec ad eum amplius reversa est.

Deinceps mulier edocta facilius infausti matrimonii solu- tionem a Romano Pontifice obtenturum fore, post civilis di- vortii sententiam, illud apud tribunalia laica petiit ; ac etsi vir praefatae iudiciali petitioni resisteret et veritatem causa- rum a muliere allatarum negaret, obtinuit die 22 Iulii 1889; et subinde ad Senium confugit rogans, ut sacramentale con- iugium vel nullum declararetur, vel saltem qua ratum et non consummatum, benigne dispensantur. Interea et Antonius quum reconciliationis spes nulla amplius affulgeat, et nuptias novas, ut videtur, inhians cum vidua fratris sui, ex qua ille- gitimum iam procreavit filium, consilium mutavit et per paro- chum suum solutionem matrimonii et ipse postulat.

D i s c e p t a t i o S y n o p t i c a .

VOTUM THEOLOGI. In censu eorum quae ne matrimonia contrahantur impediunt, contracta dirimunt, vim et metum collocandum esse, nemo est qui nesciat. Id enim aperte tradit