94 SANCTI GALLI (in Helvetia) fragio reiiciunt lectissimi Consultores ; assertam vero matri- monii inconsummationem minime certam eximius Consultor Canonista existimat, dum Consultor Theologus, pluribus fuse docte laudabilique zelo ponderatis censet non esse consulen- dum SSmo « Ut super eodem (matrimonio) tamquam rato et non consummato dispenset, tum quia de inconsummatione eius- dem non constat, tum quia nedum sufficientes et probae ra- tiones dispensationem suadeant, bonum maius fidelium, ne eadem concedatur, prohibere omnino videtur ».

Huic voto plene adhaereo, et ne acta iterum agere videar, sine mora rogo, ut ad dubia supra inscripta reponatur : negative.

Hisce praenotatis, proposita fuerunt diluenda sequentia

D u b i a

I. An constet de matrimonii nullitate in casu. Et quatenus negative. II. An consulendum sit SSmo pro dispensatione a ma-

trimonio rato et non consummato in casu. RESOLUTIO. Sacra C. Concilii, re disceptata die 1 4 Apri-

lis 1 8 9 4 , censuit respondere: Ad utrumque., negative. Ex QUIBUS COLLIGES I. Neminem ambigere, vim et me-

tum impedire matrimonia contrahenda, et dirimere contra- cta ; sed vis et metus talis esse debet, qui consensum ipsum, vel necessariam consensus libertatem destruat.

II. Proinde non omnis metus id efficit, sed tantum metus gravis seu cadens in virum vel feminam constantem ; quando nempe timetur malum vel instans, vel futurum, quod susti- neri omnino nequeat.

III. Eiusmodi tamen metus ab allegante iuridice probandus est ; quia nemo praesumitur matrimonium taliter contra- xisse , quando de consensu, exterius praestito, Ecclesiae constat.

IV. Metum, quo nullum declarari praesumitur matrimo- nium, non probari per testes non concludentes quoad cir- cumstantias minarum ; testes enim deponere debent de metu,