S. IACOBI DE CHILE 101

id vel prorsus ignorare vel ab eadem Teresia audivisse fa- tentur.

Post haec validitatis tutor adnotare satagit quod dum S. C. cessit actricis votis petentis, ut processus non ab Emo Urbis Vicario, prout de iure ob viri domicilium et fo- rum, sed a Rmo Praesule S. Iacobi de Chile conficeretur, -expresse voluit, ut idem processus fieret ad formam Instru- ctionis anni 1840, (1) in qua cautum est: « Si qui forsan absentes noscantur, qui commode ad civitatem accedere ne- queant etiam ob distantiae sumptus, vel ad partis instantiam, vel, ea silente, ad instantiam defensoris matrimonii, ab Epi- scopo illius dioecesis, in qua morantur, examinandi;... » imo in tenore ipso praefatae concessionis expresse etiam po- testatem praelaudato Praesuli S. Iacobi mandavit « subdele- gandi pro examine partium et testium, qui extra dioecesim morentur ». Iamvero, instat, numquam Emus Urbis Ordina- rius rogatus fuit pro examine viri et aliorum ex septima eiusdem viri manu: nemo ex his sive Romae, sive alibi ad iudiciale examen vocatus est. Idque, ait, plane offendit ne- dum in tenorem sive Instructionis anni 1840, sive praefati rescripti; sed et in ipsam normam a iure in huiusmodi iu- diciis statutam, ceu prae ceteris testatur Gasparri De Matri- monio num. 1487 - ibi - « Sacri canones requirunt in causis matrimonialibus, maxime si agatur de impotentia aut matri- monii inconsummatione, testimonium septimae manus, ut aiunt, idest attestationem iuratam septem testium ex uno- quoque latere, scilicet quatuordecim testium propinquorum, vel saltem, si propinqui desunt, vicinorum ex cap. 5 et 7 De frigidis et maleficiatis ». Nil mirum itaque, putat orator, quod Carolus, se suosque omnes septimae manus testes neglectus perspiciens, vadimonium ei a S, C. constitutum ad consuetam dubii formulam concordandam missum fecerit. Perinde forsan id esset ac si iure suo usus fuisset. Neminem enim in hu- iusmodi iudiciis S. C. vadari solet ad praefatam dubii con- cordationem, nisi prius contumax fuerit. Ille vero « contu-

(1) Instructio haec relata fuit Vol. IV, 439.