99.

1. Laudes dicat omnis aetas
Christo regi semper laetas

Dulci cum symphonia,
Qui ex sua clementia
Cuncta gubernans entia

Andream evocavit,

2. Arte piscandi varia

Hunc perscrutantem maria
Cum Simone Barjona,
Et quid eo dicis dignum,
Nullum Christi videns signum
Primo sub admonitu

3. Fugit rete, linquit ratem,
Nec dum plene veritatem

Contemplatur spiritu.
Patris spernens praesentiam,
Ovans sequitur Messiam

Piscaturus homines.

4. Post ut agnus tu, Andrea,
Crucifixus ab Aegea

Emisisti spiritum.
Te precamur, ut ducamur
Post hanc lucem per te ducem
Ad coelorum gaudia.

5. O Andrea tu benigne,
O tu consors Christi digne,

Votis meis annue,
Pulsa morte laeta sorte
Pacem fessis et oppressis

Apud Christum obtine.