106 CUSENTINA.

dispositionum. At uti alibi passim factum est, in hac archi- dioecesi suas domus a privatis emptoribus redimere et sibi vindicare potuerunt religiosi F F . Minores Observantes, in oppido Rende, et FF . Minores Reformati in oppido Pietra- fìtta. Cum vero huiusmodi ecclesiae iam destinatae fuerint in publicum coemeterium, non solum in paroeciis horum op- pidorum omnium fidelium cadavera sepulturae mandari de- bent in ecclesiis religiosorum; sed etiam funera diei tumu- lationis, nec non diei tertii, septimi, trigesimi et anniver- sarii ab obitu ibidem fideles celebrari volunt ubi defunctorum cadavera reposita fuerunt. Per aliquod tempus parochi et re- ligiosi sua iura amice conciliarunt : at discordiae non defue- runt occasiones, praetendentes parochi, quacumque non ob- stante religiosorum exceptione, suorum fidelium cadavera so- ciare in eorumdem ecclesias, ibique, ad postulationem fide- lium, quaecumque funera persolvere ; ex adverso religiosi opponentes suam exemptionem suaque in funeribus privilegia.

Ad rem componendam Archiepiscopus, cum ob exhau- stas aerariorum municipalium vires spes non affulgeat quod coemeteria in ordinarium statum redigantur recursum habuit ad S. C. C sub die 3 Februarii anni 1892 quaerelarum cau- sas exponens et haec E E . PP. resolutioni proponens dubia : I. An ius recitandi officium, super fidelium cadaveribus, absolutiones impertiendi et missas canendi in ecclesiis Fran- ciscalium, in publicum coemeterium addictis, competat re- ligiosis aut potius parochis in casu. I I . Et quatenus af- firmative favore parochorum ; an eisdem, f aner a diei tertii, septimi, trigesimi et anniversarii indiscriminatim competant in casu.

D i s c e p t a t i o s y n o p t i c a .

IURA PAROCHORUM. Parochi prae primis animadvertunt, non iure religiosos sibi absolute vindicare sua privilegia; nam eorum ecclesiae fidelium cadavera excipiunt cum a ci- vili auctoritate declarata sint publica coemeteria, proindeque rem versari extra iuris communis intentionem.