CASENTINA l07

Revera fideles non sibi eligunt ibi sepulturam, non ibi, paucis exceptis, habent sepulchrum gentilitium, sed publica auctoritate cogente tumulari debent in religiosorum ecclesiis. Ante inhibitionem civibus factam eligendi sepulturam in ec- clesiis parochialibus, fere omnes in iisdem petebant sepultu- rae demandari.

At fideles volunt, ut funera peragantur super demortuo- rum cadaveribus ; unde, posthabita ecclesia parochiali, expe- tunt, ut funerum officia etiam diei tertii, septimi, trigesimi et anniversarii peragantur in ecclesiis regularium. Iamvero si parochi ab his funeribus excludantur ad tramites iurium religiosorum, eorum ecclesiae iam pauperes, huiusmodi emolu- mentis destitutae, ad supremam egestatem redigentur, adeo ut cultui divino satisfacere et animarum curae nullimode poterunt.

Nec potest expeti a fidelibus, ut aliunde ecclesiarum ne- cessitatibus subveniant vel aliud in paroeciarum ecclesiis per- agant funus : sunt enim admodum pauperes illorum oppi- dorum incolae ut aegre modesti unius funeris expensas ferre valeant.

Unde parochi advertunt, non tantum iurium et privi- legiorum iuris positivi negotium esse, sed praecipue iuris naturalis ; parochi enim iam plurimis expensis onerati, gra- vioribus subsunt taxis ob a fisco praesumpta emolumenta stolae nigrae; quae si omnino deficiant, taxis remanentibus, parochi impares expensis et taxis ferendis debebunt ecclesias clausas derelinquere.

Parochus oppidi Rende specialem ad se quod attinet al- legat rationem, nempe in conventu FF . Minorum Observan- tium non adesse tres religiosos pro solemni missa canenda, sed unum tantum regularem sacerdotem, ita ut religiosi nec ipsi possunt satisfacere piae fidelium petitioni, eodem tempore hoc perficere impedientes parocho.

Parochus vero loci Pietrafitta, notat se advenam esse in illo oppido, nec amicos, nec coniunctos, nec alias relatio- nes cum parochianis habere, ita ut deficientibus ordinariis emolumentis, se in extraordinariis nihil sperare posse.