109.

1. O Rex regum, clementiae,

Intuere, pater pie,

Modulamen symphoniae,

Audi voces ecclesiae.

2. Sublima tuos plasmatos,

Restaura nos desolatos,

Ut justorum per precamen

Nobis ferat consolamen.

3. Sponsa Christi Deo digna,

Virgo virginum regina,

Nobis pia sis benigna,

O Maria, tu condigna.

4. Omnes Sancti triumphantes,

Imploramus anhelantes,

Per vestrorum suffragia

Purgemur nos a venia.

5. Rogitamus, flagitamus,

Ut sanctorum nos jungamur

Merentium consortio,

Psallentium regi pio.

6. Audi virgo gloriosa,

Post filium spes unica,

Clemens et Imperiosa,

Delens nostra maculosa.

7. Salve mater speciosa,

Super solem clariosa,

Vale, vade et decora,

Pro nobis Deum exora.

8. Nunquam fuit nec est talis,

Ut haec virgo singularis,

Mater manens et ancilla,

O Maria, tu benigna.