416 GUSENTINA

RESOLUTIO. Sacra C . O. re disceptata sub die 1 4 Iulii 1 8 9 4 respondit: Firmo manente iure regularium celebrandi of- ficium funebre super cadaveribus defunctorum, sepulchrum gentilitium in Ecclesia regularium habentium, et eorum qui sepulchrum inibi elegerint ; quoad reliqua placere de concor- dia, inter quindecim dies ineunda, praesentibus perdurantibus circumstantiis, valitura; quo termino inutiler elapso, Ar- chiepiscopus schema concordiae cito conficiat et ad S. C. trans- mittat.

MEDIOLANEN.

MATRIMONII

Die 12 Maii 1894. Sess. 24, cap. 5 De ref. matr.

COMPENDIUM FACTI. Die 1 6 Decembris anni proxime elapsi, proposita fuit causa nullitatis matrimonii inter Adelaidem Rivolta et Antonium Belloni Mediolanensis Archidioecesis», ac disceptato dubio: An constet de matrimonii nullitate in casu: responsum prodiit: Non satis constare ( 1 ) .

Cum autem haec decisio haud arrisisset actrici, preces Tribunali ecclesiastico mediolanensi obtulit, ut dispensationem a matrimonio rato et non consummato obtinere posset. Cu- ria Archiepiscopalis tunc novo interrogatorio actricem sub- iecit, ac curavit ut eius corpus a medico, ad hoc delegato, inspiceretur, qui in scripta relatione et in iudiciali examine autumavit, mulierem numquam sustinuisse coitum coniugale. Mulier vero subiecta novo examini respondit: sese confirmare depositiones, quoad hoc, alias in iudiciali examine peractas; nempe quod numquam habuit cum viro perfectam coniunctio- nem carnalem, ita ut si hymen aliquod detrimentum passus sit, id evenit digito viri, minime vero ex congressu ma- trimoniali.

(1) Relata fuit Vol. XXVI, 470.