116. De sancto Alexio.

1 a. Corde laeto jubilemus,
Plena voce consonemus,
Qui beatum honoremus
Et sanctum Alexium,

1b. Qui mundana contemnebat,
Deo totus adhaerebat,
Nam non ficte requirebat
Jesum, Dei filium.

2 a. Vere plenus caritate,
Vitae florens castitate,
Adomatus paupertate
Mendicum fit socius ;

2 b. Flores probant castitatis,
Docent signa caritatis,
Quantae jam sit dignitatis
Iste vir egregius.

3 a. Eja, beate et bone,
Miserere semper prone,
Fac consortes nos coroiiae
Coelestis militiae.

3 b. Per te Christus nos coronet,
Per te vitam nobis donet
Voxque nostra grata sonet
Apud sedem gloriae.