119.

1. Recolamus virginis
Inclyta miranda,
Da laudum praeconia
Nobis Imitanda,

Olim es prophetica
Voce praedicatum

Deprompsit angelica
Vox a patre natum.

2. Missus est ad Mariam

Gabriel de coelis,
Verbi summi nuntius,

Bajulus fidelis,
Ingressus ad Mariam

Angelus sic ait:
Ave plena gratia,

Deus te beavit.

8. In sermone angeli

Maria turbatur,
Qualis salutatio

Anceps admiratur,
Respondens ad angelum:

Virum non cognosco,
Ubique mysterium

Nimis expavesco.

4. Angelus ad Mariam

Inquit: Invenisti
Gratiam altissimi,

Qua digna fuisti,
Concipies filium,

Cui nomen Jesus,
Pariesque dominum,

Fit alvus illaesus.

5. Dabit Illi dominus

Sedem patris David,
Et In domo Israel

In aevum regnabit.
Ad sermonem angeli

Virgo stetit rata,
Suumque propositum

Praebet mente grata.

6. Nihil insolentiae

Virgo praetendebat,
Nam lux sapientiae

In Ipsa vigebat,
Ex affectu simplici

Deo famulatur,
Sed et gestu simplici

Cernentes ornatur

7. Oliva fructifera,

Mater pietatis,
Fuga mundi scelera,

Stella claritatis,
Per quam cuncta prospera

Dantur nobis gratis,
Nos tandem In aethera

Transfer cum beatis.

8. Orthodoxae fidei

Cuncti professores,
Solvite nato Dei

Laudes et honores,
Huic nostros poplices

Proni inflectamus,
Ut errorum pullulans

Succidatur ramus.

9. Melodicas psallite

Odas genitrici,
Ut nos promoveat

Opere felici;
O pater optime,

Praesta consolamen
Fidei cultoribus,

Dicat omnis: Amen.