ABULEN. 123.

evenire, in instructione processus canonici, qui necessarius creditur ad correctionem et punitionem, de qua in laudato capite mentio fit ; unde optatum remedium, vel diu deside- ratur, vel nonnisi post gravissima animarum detrimenta adhibetur. Quare cum haec omnia Episcopus Relator saepe expertus fuisset, his difficultatibus remedium quaerens, ab hac Sacra Congregatione humiliter postulat, sibi pro tem- pore et iniunctis conditionibus quae opportunae videantur concedi facultates.

« Io Coadiutores deputandi, iuxta allatum Decretum Tri- dentini, Parochis de quibus in eo mentio fit simul et dispen- sandi ipsos a residentia, et transferendi in alium Dioecesis locum, donec iterum examinentur et approbentur, et donec opportuna sententia definiatur post canonicum, processum circa eorum mores.

« 2° Coadiutores iterum deputandi ad normam praelau- dati Decreti, praevio summario et informativo processu, per Cancellariam Episcopalem instruendo ; parochos de quibus in secundo paragrapho huius postulati mentio facta est, simul et dispensandi ipsos a residentia, et constituendi eos in alia- rum parochiarum oeconomos, vel in aliis congruentibus mi- nisteriis, pro tempore tantum, quo causa motiva huius dis- pensationis et separationis perdurant.

D i s c e p t a t i o S y n o p t i c a

Abulensis Episcopi postulatum eo spectat ut, praeter ius commune, ei extraordinariae concedantur facultates pro amo- vendis ad tempus Parochis, in propria Ecclesia, ministerium minus utile exercentibus, quin ad tramites iuris Tridentini Concilii procedatur ad beneficii privationem.

Iure Decretalium magis magisque firmata est perpetuitas, etiam subiectiva beneficiorum ; at congruis legibus cautum fuit ne hoc evaderet in destructionem Ecclesiasticae disci- plinae. Hinc in titulo Be Translatione Episcopi, decernitur posse Papam de una in aliam Ecclesiam Episcopos transferre