124 ABULEN.

ob rationes sufficienter graves, uti late exponunt Interpretes iuris Canonici, adnotantes, hanc dispositionem, congrua ser- vata proportione, procedere etiam de parochis quoad Episco- pos. Praesertim invocatur Caput Quaesitum, De Rerum Per- mutatione, huius tenoris : « Quaesitum est ex parte tua si commutationes fieri valeant Praebendarum, cum commutatio dignitatum in Turonensi Concilio fuerit interdicta: (et infra) Generaliter itaque teneas quod commutationes Praebendarum de iure fieri non possunt, praesertim pactione praemissa, quae circa spiritualia vel connexa spiritualibus labem semper con- tinet simoniae. Si autem Episcopus causam inspeccerit ne- cessariam, licite poterit de uno loco ad alium transferre per- sonas ; ut quae uni loco minus sunt utiles, alibi se valeant utilius exercere ». Passim Commentatores cum Gonzales no- tant ibi non agi de translatione inviti, praevia privatione prioris beneficii, sed agi de transferendo eo, qui vel sponte sua vel ad consilia aut praecepta Ordinarii petit vel consentit, ut ad aliam Ecclesiam transferatur. Sed occasione huius ca- pitis Doctores docent, Episcopis media non deesse quibus beneficiarios de invitis volentes faciant. Nam quamvis bene- ficiati privari suo beneficio non valeant, nisi ob causas in iure praescriptas, et legitimo servato ordine ; nihilominus quando iidem voluntati, praeceptis, consiliis Superioris obsi- stentes, sunt scandalo fidelium et non in aedificationem sed in destructionem Ecclesiae Christi, iam incidunt in eos casus beneficii privatione dignos. Praeter alios uti Fagnanum et Reiffenstuel, data opera disserit de hac materia Parisius Flaminius in celebri opere de Resignatione beneficiorum, lib. 3, qu. 18, et alibi. Sed uti patet, satius est ut antea prudens Episcopus in hoc flectat beneficiarii voluntatem, ut sponte aliam Ecclesiam quaerat ubi valeat se utilius exer- cere. Quapropter S. C. C. in Eystetten. 11 Aug. et 22 Se- ptembris 1742 confirmavit Episcopi sententiam, qui Parochum ob eius agendi rationem plebi infensum et scandalosum, iussit ut cogitaret de permutanda intra certum tempus parochia, alioquin ex officio permutationem locum esse habiturum. So-