124.

1. Salve Dorothea,

Gemma virginea,

Populum tu bea,

Ne vis tartarea

Ipsum deglutiat,

Virgo aetherea.

2. Dorothea nata,

Christo desponsata,

Virtute ornata,

A Deo vocata,

Ut Fabricium

Vincat fide [rata].

3. Fabricius furens

Ut canis est amens

Eam caedi jubens,

Carcere recludens

Novem diebus,

Dure quoque tenens,

4. Pugnat animosa

Valde pulchra rosa,

Rumpit odiosa

Christo et damnosa

Muta daemonia,

Virgo gloriosa.

5. Dire cruciata,

Uncis lacerata,

Faculis cremata

Mori destinata,

Ut praedicaret

Jesum pia nata,

6. Sententia data,

Mori proclamata,

Virgo fit saccata,

Ad Ictum ducata,

Ut plecteretur

Capite beata.

7. Scriba duci videns,

Virginem Illudens

Sibique subridens,

Rosas mala petens,

Ut mitteret ei

Veritatem quaerens.

8. Mox est decollata

Pugil trabeata,

Jesu sociata,

Cum sanctis locata,

Ut sponsum videret,

Martyr laureata.

9. Puer dona portat,

Rosas mala donat,

Scriba voce clamat,

Jesum Christum laudat

Et crucifixum

Populo affirmat.

10. Palmam fert victricem

Sequens adjutricem,

Culpae fugatricem,

Christi genitricem,

Coeli reginam,

Cleri amatricem.

11. Ergo martyr digna,

Nos tibi consigna,

Virgoque benigna,

Ne damna maligna

Nos Invaderent

In hora aeterna.

12. Agnum ut edamus

Per Mariae manus,

Amen concinamus,

Quem nos Immolamus,

Ora, omni die

Et corde laudamus.