128. De sancta Anna.

1 a. Gaude, concio fidelis,

Laudans Dominum de caelis
Pro sua clementia,

1b. Mundo quippe morienti
Succurrit ope potenti
Donans vitae gaudia.

2 a. Anna regum stirpe nata
Joachimque sociata
Concipit divinitus,

2b. Infecunda fecundatur,
Sterili conceptus datur
Praesignatus coelitus.

3 a. Dulcem gignit Anna prolem,
Quae produxit veram solem,
Christum, regem gloriae;

3 b. O quam felix tam felicis
Mater Dei genitricis,
Matris omnis gratiae.

4 a. O quam felix, quam beata,

De qua prodit illibata

Virgo et puerpera,

4b. Per quam vita mundo redit,
Per quam pulsa mors recedit,
Per quam patent aethera.

5 a. Anna dulcis, Anna pia,
Cum dulci nata Maria
Nos foveto jugiter ;

5 b. Jesu, fili dulcis harum,
Fac nos meritis ambarum
Te frui perenniter.