129. De sancta Anna.

la. Luce lucens in superna,
Lucis ductrix et lucerna,
Claritatis gerula,

1b. Felix Anna, de caverna
Laci transfer ad superna
Lucis nos vehicula.

2 a. Mundi jubar luminare
Novum paris sine pare
Sole plus illuminans:

2 b. Ex te duxit ortum clare
Maris stella per hoc mare
Spatiosum rutilans.

3 a. Orta stirpe de regali
Super ortum speciali
Gaudes privilegio,

3 b. Prole fulgens sola tali,
Quali nulla de mortali
Sexu vel collegio.

4 a. Cella vera tu coelestis,

In qua trinitatis vestis

Est ordita primitus ;

4 b. Hujus rei caro testis

Exstat Christi, quam in festis
Gestat jam coelestibus.

5 a. Carnem tuam carnem Christi
Per Mariam, quam tulisti,
Recta probat linea,

5 b. Qua cum Deo contraxisti
Genus omne ac vicisti
Nata cum virginea.

6 a. Tu terminus tristitiae,
Scatnrigo laetitiae,

Quae prolem benedictam

6 b. De gremio das gratiae,
Matrem solis justitiae,
Labe prorsus invictam.

7 a. Tua grandis est potestas,
Tibi coeli dat majestas
Matronatus gloriam,

7 b. Ad tranquillum, quos potestas,

Ad fluentem, quos egestas

Urget, trahe copiam.

8 a. Eja, mater, plena bonis,
Gratiarum dita donis
In praesenti pauperes,

8 b. Hujus cursum post agonis
Triumphatum nos in thronis
Loca bonis uberes.