130. De sancta Anna.

la. Omnis mundus

Exsultet et sit jucundus
Alleluia,

1b. Nova festa

Nunc adsunt sed diu gesta,
Ees miranda.

2 a. Anna nupsit nobili
Joachim consimili,
Soli stella,

2 b. Hi dilecti pariter
Vixerunt feliciter
Fide clara.

3 a. Tandem cuique visio
Monstratur ab angelo
Pari forma:

3 b. Crediderunt nuntio
Nec horum devotio
Fit corrupta.

4 a. Post haec Anna concepit
Et Mariam peperit
Valle nostra,

4 b. De qua Christus nascitur.
Ejus lacte pascitur
Carne sumpta.

5 a. Iste Dei filius

Missus erat coelitus,
Sed hunc plebs Judaica
Damnat caeca.

5 b. Unde crucifigitur,
Lancea perfoditur,
Fecit haec delicta
Plebs praedicta.

6 a. Jesu, nos adjuva,
Cum matre Maria
Transfer de valle
hac misera

6 b. Ad coeli gaudia,
Ubi cum avia
Regnas et matre
puerpera.