132.

1. Stupefactus Inferni dux
Abhorruit poenarum trux
Quando venit vexilli dux,

Cujus lux

Sedentibus
In umbra mortis egentibus
Attulit laetitiam.

2. Virtute leo propria,
Quavis carens Inertia,
Deitatis solertia

Tertia

Die mortis
Victor surgens a mortuis,
Nesciens tristitiam.

3. Idem enim In numero,
Qui crucem tulit humero,
Legaliter post poenas tot

Aliquot

Diebus plus
Conversatus hominibus
Docuit laetitiam.

4. Laetetur cum facetia
Sancta mater ecclesia,
Christi rigata flumine,

Lumine

Qui micuit
Novamque legem Instituit
Ordine Melchisedech.

5. Ergo propter memoriam,
Triumphi quoque gloriam
Benedicamus lilio,

Filio

Coelifluo

nobis deifluo

Vincere det Amalech.