133.

1. Superni jubar aetheris,
Praefigurata veteris,

Mundo detegit scripturam,
Laudando Mariam puram.

2. Aspectu solis rutilans
Salutis tempus nuntians,
In orbe jam divo legi
Summo quoque Christo regi.

3. Nam chaos necis pellitur,
Coelesti vitae redditur,

Hinc sumus hic exultantes
Ac excelsum venerantes.

4. Praefulgens natus cernitur,
A sinu patris mittitur,
Quem paternali dulcore
Jubilo canamus ore.

5. Hebescit sensus logicae,
Stupescit cursus physicae,
Obmutescunt cunetae artes
Philosophicaeque partes.

6. Dum virgo carens semine
Sacrato gignit germine,
Coelique terrae rectorem
Marisque dominatorem.

7. Aurora fulgentissima,
Stellaque praepurissima,
Subventrixque miserorum
Consolatrix oppressorum,

8. Benigna placa filium,
Ut nobis post exilium

Donet regna supernorum,
Tandem chorum angelorum.