138. De sancto Augustino.

la. Consors sono
Patrono
Decantet vita
Alleluia,

1b. Surda aspis
Fit jaspis
Ex Basan cita,
Ees miranda.

2 a. Ut audit sanctum mente
Augustinus fit lente
Sol de stella:

2 b. Quem fons sacer dum novat,
Pia genitrix ovat
Semper clara.

8 a. Turgens dogma vanescit,
Error quivis liquescit
Pari forma,

3 b. Ut dat verbum fidei,
Haeresis Manichaei
Fit corrupta.

4 a. Mandit cibum grandium,
Fitque pars humilium
Carne sumpta,

4b. Triginta nec non mille

Dictavit libros ille

Valle nostra.

5 a. Coaequalem genitum
Patri probat filium,
Quo confutat Arrium
Mente caeca;

5 b. Quia miser Arrius
Fide stetit dubius,
Crepuit hinc medius
Post praedicta.

6 a. Dulcis Augustine,
Finem culpae trinae
Fer, ne damnemur
gens misera.

6 b. Corde, verbo, opere,
Munda nos propere
Dans quem genuit
puerpera.