140. De sancto Augustino.

la. Deo regi confessorum
Psallat chorus angelorum,
Psallat et vox hominum,

1b. Plebs et clerus ac praelati
Psallant summae trinitati,
Deo patri luminum.

2 a. Qui scriptos in libro vitae
Facit ut in vera vite
Christo vivant palmites,

2 b. Quos ut ferant fructus multos
Colit, purgat minus cultos
Rectos docens tramites.

3 a. O quam magna, quam profunda
In electis, quam jucunda
Dei sunt judicia,

3 b. Petri, Pauli, Augustini
Lapsus, error sunt divini
Arcani indicia.

4 a. Augustinus dum sophiae
Mundi servit, matris piae
Sacra spernit monita,

4 b. Mundi rhetor parvipendet

Christi fidem nec attendit,

Quae sit Christi semita.

5 a. Mater deflet hunc errantem,
Flentem Deus et orantem
Audit vertens impium:

5 b. Ab aeterno praeelectum
Vertit curvum in directum
Sacrum per Ambrosium.

6 a. Sacro fonte qui ablutus

Adam veterem exutus
In novum convertitur,

6 b. Membrum Christi mox per-
fectum
Per affectum et effectum
Operis ostenditur.

7 a. Mundi spernit vanitatem,
Solam Dei bonitatem
Amat et amplectitur ;

7 b. Sacris litteris imbutus,
Christi sale delibutus
Doctor clarus noscitur.

8 a. Dictat, scribit, docet recta,
In lucem producit tecta
Scripturae mysteria,

8 b. Fortis tyro veritatis
Tyrannorum falsitatis
Vincit magisteria.

9 a. Hinc ad sedem postulatur
Praesulatus, infulatur,
Dignus tanto culmine ;

9 b. Felix pastor gregis Christi.

Felix grex, qui meruisti

Hoc regi regimine.

10 a. Nulli prorsus hic secundus,
Quisnam corde sic profundus
In Dei scientia?

10 b. Fructu vitae hic fecundus,
In scripturis hic facundus
Mira eloquentia.

11a. Sacrosanctae Trinitatis
Contemplator cum beatib
Fruens nunc coelestibus,

11b. Pastor, gregis memor esto,
Sanctis nos in coeli festo
Junge tuis precibus.