141. De sancto Augustino.

la. Augustini confessoris
Sit in cunctis cleri choris
Praeclara solemnitas,

1b. Laude dignus est ingenti,
Quem coelestis testamenti
Sublimat haereditas.

2a. Nomen habens ab augmento
Vino replet et frumento
Domini familiam,

2 b. Non inventus est aequalis
Ad augendam spiritalis
Mutui pecuniam.

3 a. O quam dignum laude virum,
Qui conseptus est per gyrum
Auri tintinabulis,

3 b. Ut sonora vox decoris
Audiretur non tam foris
Quam intus in populis.

4 a. Ejus aqua salutaris

Stagna manant instar maris
Ex cisterna putei,

4b. Per sermones, homelias
Commentorum morum vias
Praeparat et fidei.

5 a. Ergo, pater Augustine,
Tuae normam disciplinae
Sequentes vernaculos

5 b. Juva semper, ut seramus
Hic in terris, quos metamus
In coelis, manipulos.