138.

1. Vale Jacob stellula,
Praelecta cellula,
Natum paris gracilem,
Mitem castum humilem.

2. Emanara [?] sincera,
Puella mitissima,
Nunquam culta de terra
Palmitum vitis vera.

3. Nulla valet natio,
Physicorum ratio,
Parium hunc discutere,
Signatum In vellere.

4. Concinamus dulciter
Salvatori hilariter,
Qui matris ob merita
Tollat nostra delicta.

5. Emanuel diceris,

Nobiscum semper eris,
Praestas dona varia,
Nemo dedit talia.

6. Sauciati poscimus,
In aevum tui simus,
Nos ad te suscipias,
Coeli cives facias.

7. Laeta laete carmina
Cantant coeli agmina,
In throno residenti,
Omnibus praesidenti.

8. Audi tibi canentes,
Sedule depromentes,
Salve Jesu parvule,
Fili matris Mariae.

9. Veni dator munerum,
Solare tuum clerum,
Naufragantem misere
Digneris Invisere.

10. Stirpe de Davidica,
Tu spes nostra unica,
Virgine de pudica
Processit vis deica.