139.

1. Vale imperatrix coelica,

Charitas te Insignivit deica,

Maria plena gratia,

Nos virtutibus satia,

Mater omnis clementiae.

2. Posce digne nos te laudare,

Canticisque laudum personare,

Ut degustare possimus

Patris natique spiritus

Donum et munus gratiae,

3. Omnes una te profitemur,

Trmum Deum unum confitemur,

Nam monas gignit monadem,

Ex se spirantes ardorem

Aequalem et coaeternum.

4. Tres personae tria nomina,

Est simplex In una essentia,

Ex nullo gerens Initium,

Est finis et principium

Ens entium dignissimum.

5. Haec excelsa atque veneranda,

Honoranda, digne adoranda,

Te praeelegit trinitas,

Fecit beatam deitas

Ejusque arca facta es.

6. Ter sancta quaterque beata,

Laudum hymnis mire trabeata,

Portasti manu absconditum,

Ab aevo nunquam auditum,

Vere sanctorum sancta es.

7. Et quis quit te digne laudare,

Tuas laudes recte enarrare,

Non tellus, mula, calamus,

Herbarum, lapidum virtus,

Aetas, lingua valet, sexus.

8. Ergo o clemens et venusta,

Rectrix, princeps et augusta,

Huic sanctae trinitati

Immensaeque deitati

Digneris nos commendare.